Îsal sala gûhertin û aloziyan e

Îsal sala gûhertin û aloziyan e

  
Hawar Net
25 Çile, 2012 Weşandin:1731 (Gor Dema Kurdistanê), hawarnet.com

 

(HAWAR NET) -- Ji nuha ve em dikarin bêjin, ku sala 2012 an sala guhertinaye. Her meheke vê salê li vî an wî welatî yan wê helbijartinên serokkomartiyê lidarkevin an jî yên perleman . Lê bêguman  helbijartinên serokatiyê li Rûsya û Emerîka  û Frensa û li welatên şoreşên erebî  bûyerên herî balkêşin .Ji hêla din ve wê cîhan  sebaret bi pêşeroja weza atomî nerehet be .

Lê xembariya serekî di vê salê de jî bêguman ew gefên girêdayî bi kirîza aborî ve ne .Tevgera `` kolanan dagîr bikin``  sînorên Emerîka bakur derbas kir û gihişt  gelek paytextên Ewrûpa Rojava .

Îro kirîzeke lîdertiyê  ya  ber bi çav Rojava û welatên pêşketî  vegirtiye.Ango kirîzisa stendina biryarên siyasî  û destnîşankirina rêbazeke nû. Îcar heger welatên pêşketî bixwazin,ku aboriyê vejînin divêt ev kirîzis bête çareserkirin .

 Di heman demê de rewşa welatên ``buhara erebî `` li Efrîqa bakur û Rojhilata navîn aloze .
 Li hinek welatan jiber, ku îslamî hikûm zeftdikin wê alozî mezin bibin . Li deverin din dibe,ku şerê navxweyî lidarkeve . Îcar çawa be jî, li wan herêman dergehên  aloziyan, konflîktên herêmî  vebûn  û mumkine  ji nû ve şepelê paneberan ber bi Ewrûpayê ve  mezin bibe  .Ji lewra cîyê  optomîzmê li wan herêman  nîne.

Herweha ewledariya atomî jî ji rojeva sala nû dernakeve . Di dawiya meha adarê de wê sameteke navnetewî derbareyê ewledariya atomî de li Sîûlê saz bibe . Korya başûr rijde,ku cîgirê serokwezîrê Korya bakur vebixwîne . Herweha wê serokên Emerîka û Çînê jî beşdariyê di wê sametê de bikin . Bêguman wê programa atomî ya Korya bakur li sametê bête gengeşekirin . Û di dawiya meha Gulanê de jî wê sameta NATO  li Çîkago derbareyê Efganistanê lidarkeve . Di warê sportê de jî wê du mehên havînê yên dawîn bo handerên fitbolê gerim bin, jiber, ku qehremaniya Ewrûpayê li Plonya û Ûkraînayê saz dibe . Û ji xwe ji 27 meha Huzêranê heta 12 mehaabê  olîmpyadên havînî li Londonê têne lidarxistin

Ev bûyerên em derbareyê wan de axivîn hinek bûyerên,ku wê di sala 2012 an de  cî bi cî bibin . Bêguman wê sûrpirîz çêbibin lê hêviya me ew e, ku ew sûrpirîz bextyar bin.(ajansan / Hawar Net Servîsa nûçeyên rojevê)